దుర్గమాంబ నవరాత్రి వేడుకల్లో మహా అన్నసమారాధన.. పాల్గొన్న ఎమ్మెల్యే వంశీకృష్ణ!

శ్రీ దుర్గమాంబ రెడ్డి ఐక్యత సేవా సంఘం ఆధ్వర్యంలో విశాఖ పూర్ణామార్కెట్ సమీపం పండా వీధిలో టీడీపీ సీనియర్ నాయకులు బుచ్చా రామిరెడ్డి పర్యవేక్షణలో శ్రీ దుర్గాదేవి నవరాత్రి మహోత్సవాల్లో భాగంగా నేడు మహా అన్నదాన కార్యక్రమం నిర్వహించారు. కార్యక్రమానికి ముఖ్యఅతిధిగా దక్షిణ నియోజకవర్గం ఎమ్మెల్యే వంశీ కృష్ణ శ్రీనివాస్ విచ్చేసారు. ఆయనతో పాటుగా నూతన కార్పొరేటర్ శివ దుర్గ ప్రసాద్ హాజరయ్యారు. ముందుగా అమ్మవారికి అతిదులు ప్రత్యేక పూజలు నిర్వహించారు. అనంతరం సుమారు పది వేల మందికి ఏర్పాటు చేసిన అన్నసమారాధనలో భక్తులకు అతిధులు స్వయంగా భోజనం వడ్డించారు. ఈ సందర్భంగా వారు మాట్లాడుతూ ప్రతియేటా అంగరంగా వైభవంగా జరిగే దుర్గమాంబ నవరాత్రి మహోత్సవాలు ఈ ఏడు మరో ప్రత్యేకతను సంతరించుకున్నాయన్నారు. ఇటీవల జరిగిన స్థానిక ఎన్నికల్లో కూటమి అభ్యర్థిగా పోటీ చేసిన శివప్రసాద్ అమ్మవారి కృపతో అఖండ మెజారిటీ సాధించి విజయాన్ని కైవసం చేసుకోవడం తామందరికి ఎంతో ఆనందాన్ని కలిగించిందన్నారు. ఆలాగే డిప్యూటీ మేయర్ స్థానాల్లో జనసేన తరపున శివప్రసాద్ పేరును అధిష్టానానికి సిఫార్సు చేయాలని బుచ్చా రామిరెడ్డి ఎమ్మెల్యే వంశీని కోరారు. అందుకు సానుకూలంగా స్పందిస్తూ తన ప్రయత్నం తాను చేస్తానని, తరువాత నిర్ణయం అధిష్టానానిదేనని వంశీ బదులిచ్చారు.