జ్ఞానపురం అభివృద్ధి ప్రజల ఆరోగ్య పరిరక్షణే మా లక్ష్యం.. 42వ వార్డు వైసిపి కార్పొరేటర్ అభ్యర్థి l

విశాఖ *జ్ఞానపురం అభివృద్ధి ప్రజల ఆరోగ్య పరిరక్షణే మా లక్ష్యం.. 42వ వార్డు వైసిపి కార్పొరేటర్ అభ్యర్థి కోడిగుడ్ల పూర్ణిమ, శ్రీధర్*

జ్ఞానాపురం ప్రాంతాన్ని ఆదర్శవంతంగా తీర్చిదిద్దడంతో పాటు స్థానిక ప్రజల సంక్షేమం, ఆరోగ్య పరిరక్షణే తమ ప్రధాన లక్ష్యమని 42వ వార్డు వైఎస్సార్‌సీపీ కార్పొరేటర్ అభ్యర్థి కోడిగుడ్ల పూర్ణిమ శ్రీధర్ స్పష్టం చేశారు. జ్ఞానాపురంలో జేఎన్ఎన్ఆర్ యుఎం కాలనీలో ఎన్నికల ప్రచారంలో భాగంగా పర్యటించారు. ఈ సందర్భంగా ఆమె మాట్లాడారు.. రైల్వే స్టేషన్, పాఠశాలల సమీపంలో నిత్యం ప్రమాదాలు జరుగుతున్న నేపథ్యంలో ప్రజల ప్రాణరక్షణ కోసం కౌన్సిల్ ద్వారా ఫుట్‌ఓవర్ బ్రిడ్జి నిర్మిస్తామని హామీ ఇచ్చారు. అత్యవసర వైద్యం అందక రోగులు ప్రాణాలు కోల్పోకుండా స్థానికంగా పేదల కోసం 24 గంటల ఆసుపత్రిని అందుబాటులోకి తెస్తామన్నారు. వర్షాకాల ముంపు సమస్యకు శాశ్వత పరిష్కారంగా డ్రైనేజీ వ్యవస్థను ఆధునీకరిస్తామని చెప్పారు. తమను గెలిపిస్తే వార్డును సమగ్రంగా అభివృద్ధి చేస్తామని పేర్కొన్నారు. తమ అమూల్యమైన ఓటును మేయర్ అభ్యర్థిగా వరుదు కళ్యాణికి, కార్పొరేటర్ అభ్యర్థిగా తనకు ఓటు వేసి భారీ మెజారిటీతో గెలిపించాలని అభ్యర్థించారు. ఈ కార్యక్రమంలో పార్టీ శ్రేణులు, స్థానికులు పాల్గొన్నారు.