శ్రీదేవి డైమండ్స్ నూతన షోరూమ్ ప్రారంభం*

*

నగరంలో 30 సంవత్సరాల సుదీర్ఘ చరిత్ర కలిగిన ప్రముఖ నగల వ్యాపార సంస్థ ‘శ్రీ విశ్వకర్మ వారి శ్రీదేవి డైమండ్స్’ నూతన షోరూమ్‌ ఘనంగా ప్రారంభమైంది. ఈ ప్రారంభోత్సవ కార్యక్రమానికి శాసనసభ్యులు వంశీకృష్ణ శ్రీనివాస్ యాదవ్ ముఖ్యఅతిథిగా హాజరై, జ్యోతి ప్రజ్వలన చేసి షోరూమ్‌ను లాంఛనంగా ప్రారంభించారు. ఈ సందర్భంగా షోరూమ్ అధినేత జిలానీ మాట్లాడుతూ.. 1969 నుంచి విశాఖపట్నంలో తాము వ్యాపార రంగంలో సేవలందిస్తున్నామని తెలిపారు. 30 ఏళ్ల క్రితం ప్రారంభమైన శ్రీదేవి డైమండ్స్ సంస్థను వినియోగదారుల ఆదరణతో నేడు ఆధునిక హంగులతో నూతన ప్రాంగణంలోకి విస్తరించినట్లు వివరించారు. గతంలో మాదిరిగానే భవిష్యత్తులో కూడా వినియోగదారులు తమను ఆదరించి ప్రోత్సహించాలని కోరారు. ప్రారంభోత్సవానికి విచ్చేసిన ఎమ్మెల్యే వంశీకృష్ణ శ్రీనివాస్ యాదవ్‌తో పాటు స్వర్ణకార సంఘం రాష్ట్ర అధ్యక్షులు వేణుమాధవ్, కార్పొరేటర్లు సాదిక్, కందుల నాగరాజు తదితర ప్రముఖులకు ప్రత్యేక ధన్యవాదాలు తెలియజేశారు. విశాఖ ప్రజలకు నాణ్యమైన ఆభరణాలను, ఉత్తమ సేవలను అందించడమే తమ లక్ష్యమని పేర్కొన్నారు. ఈ కార్యక్రమంలో పలువురు ప్రముఖులు, వ్యాపారవేత్తలు, కుటుంబ సభ్యులు పాల్గొన్నారు.