నేరాల నియంత్రణకు, శాంతిభద్రతలకు సీసీ కెమెరాలు ముఖ్యం: సీపీ శంఖబ్రత బాగ్చి*#vvwnews

*నేరాల నియంత్రణకు, శాంతిభద్రతలకు సీసీ కెమెరాలు ముఖ్యం: సీపీ శంఖబ్రత బాగ్చి*

విశాఖపట్నం కంచరపాలెం హైవే జంక్షన్ పరిధిలోని 47వ వార్డు జయప్రకాష్ నగర్‌లో బాబుజి సేవా సంఘం ఆధ్వర్యంలో ఏర్పాటు చేసిన సీసీ కెమెరాల ప్రారంభోత్సవ కార్యక్రమం ఘనంగా జరిగింది. ఈ కార్యక్రమానికి ముఖ్యఅతిథిగా నగర పోలీస్ కమిషనర్ డాక్టర్ శంఖబ్రత బాగ్చి సీసీ కెమెరాలను ప్రారంభించారు. ఈ సందర్భంగా సిపి మాట్లాడుతూ.. ప్రతి ఒక్కరూ తమ గ్రామాల్లో, వీధుల్లో సీసీ కెమెరాలు ఏర్పాటు చేసుకోవడం వల్ల.. బహిరంగ ప్రదేశాల్లో మద్యం సేవించే వారు, మత్తు పదార్థాలు తీసుకునే వారి సంఖ్య తగ్గుతుందని తెలిపారు. ఏరియాలో శాంతిభద్రతల పరిరక్షణకు, నేరాల నియంత్రణకు ప్రతి ఒక్కరూ సీసీ కెమెరాల ఏర్పాటును ప్రోత్సహించాలని ఆయన కోరారు. ఈ సందర్భంగా బీజేపీ 47 వార్డు అధ్యక్షులు గునుపూడి అరుణ్ బాబు మాట్లాడుతూ.. ముఖ్యంగా యువకులు గంజాయి, ఇతర మత్తు పదార్థాల పట్ల వారిని నియంత్రించేందుకు సీసీ కెమెరాలు ఎంతో దోహదపడతాయని అన్నారు. అనంతరం పోలీస్ అధికారులను ఘనంగా సన్మానించారు. ఈ కార్యక్రమంలో టీడీపీ నాయకురాలు ఈతలపాక సుజాత, లా అండ్ ఆర్డర్ ఏసీపీ ప్రదీప్తి, ట్రాఫిక్ ఏసీపీ భార్గవి, కంచరపాలెం లా అండ్ ఆర్డర్ సీఐ కోరాడ రామారావు, ట్రాఫిక్ సీఐ రమణ తదితరులు పాల్గొన్నారు.