ఆరోగ్య చైతన్యానికి ప్రతీకగా ‘త్రీ స్టార్ వాకర్స్ క్లబ్’.. ఘనంగా జిల్లా స్థాయి వాకింగ్ కాంపిటేషన్

*ఆరోగ్య చైతన్యానికి ప్రతీకగా ‘త్రీ స్టార్ వాకర్స్ క్లబ్’.. ఘనంగా జిల్లా స్థాయి వాకింగ్ కాంపిటేషన్*

మూడు దశాబ్దాల సుదీర్ఘ ప్రయాణంలో ప్రతి అడుగులోనూ ఆరోగ్యాన్ని, ఆనందాన్ని నింపుకుంటూ ఎందరికో ఆదర్శంగా త్రీ స్టార్ వాకర్స్ క్లబ్ నిలిచిందని ఫౌండర్ జీ.సూర్యనారాయణ మాస్టర్ పేర్కొన్నారు. ఓల్డ్ ఐటిఐ త్రీ స్టార్ వాకర్స్ క్లబ్ ప్రాంగణంలో జిల్లా స్థాయి వాకింగ్ కాంపిటేషన్‌ను నిర్వహించారు. ఈ పోటీల్లో సుమారు 300 మందికి పైగా పాల్గొని విజయవంతం చేశారు. ఈ కార్యక్రమానికి ముఖ్య అతిథులుగా ఏ ఏం హెచ్ వో డాక్టర్ బి.అప్పలనాయుడు, ఎస్ ఎస్ ఓ రామారావు, 5th టౌన్ ఏఎస్ఐ కేకే రాజులు పాల్గొని పోటీలను ప్రారంభించారు. ఈ సందర్భంగా క్లబ్ అధ్యక్షులు రమేష్ మాట్లాడుతూ.. గడచిన 22 సంవత్సరాలుగా, కేవలం ప్రజల ఆరోగ్యాన్ని కాపాడటమే ధ్యేయంగా ఈ క్లబ్ నిరంతర సేవలు అందిస్తోందన్నారు. నాటి నుండి నేటి వరకు, ఎన్నో అద్భుతమైన కార్యక్రమాలతో ప్రతి ఒక్కరిలో ఆరోగ్య చైతన్యాన్ని రగిలిస్తోందని తెలిపారు. అనంతరం పోటీల్లో పాల్గొన్న వారందరికీ మెమొంటో, సర్టిఫికేట్లను అందజేశారు. ఈ కార్యక్రమంలో క్లబ్ గవర్నర్ జ్యోతి కమల, కార్యదర్శి ఎం.శ్రీనివాస్, చైర్మన్ వెంపటాపు నూకరాజు, వి.రాంబాబు, బోర్డ్ ఆఫ్ డైరెక్టర్లు, క్లబ్ సభ్యులు తదితరులు పాల్గొన్నారు.