చర్చిలు మసీదుల కూల్చివేతలు ఆపించండిమైనారిటీల ఆస్తులకు రక్షణ కల్పించండిమైనారిటీ కమిషన్ను కోరిన సంఘాలు

*చర్చిలు, మసీదుల కూల్చివేతలు ఆపించండి..*
*మైనారిటీల ఆస్తులకు రక్షణ కల్పించండి..*
*మైనారిటీ కమిషన్ను కోరిన సంఘాలు.*.
*పరిష్కారం కోసం ప్రభుత్వ సంస్థలను ఆదేశిస్తా...*
*హామీ ఇచ్చిన జాతీయ మైనారిటీ కమిషన్ వైస్ చైర్మన్ బేగం.*.

విశాఖలో పర్యటించిన జాతీయ మైనార్టీ కమిషన్ వైస్ చైర్మన్ శ్రీమతి మునావరి బేగం కు పలు దళిత, క్రైస్తవ, ముస్లిం, సిక్కు సంఘాల నేతలు మైనారిటీల సమస్యలపై వినతులు అందజేశారు.
క్రిస్టియన్, మైనారిటీ జె ఏ సి చైర్మన్ డాక్టర్ అనిల్ పాల్ ఆధ్వర్యంలో ఉడా చిల్డ్రన్స్ దియేటర్ లో జరిగిన ఈ కార్యక్రమంలో అనేక సంఘాల నాయకులు పాల్గొన్నారు. జాతీయ కమిషన్ కు సంఘాలకు సంధాన కర్తగా పాస్టర్ జాన్ మాస్క్ వ్యవహరించారు.
ఈ సందర్భంగా విదసం ఐక్య వేదిక రాష్ట్ర కన్వీనర్ డాక్టర్ బూసి వెంకట రావు సమస్యలతో కూడిన వినతి పత్రం కమిషన్ వైస్ చైర్మన్ మునవరి బేగం కు అందజేశారు. వెంకట రావు మాట్లాడుతూ రాష్ట్రంలో ముఖ్యంగా ఆకివీడులో ఎమ్మెల్యే రఘురామ కృష్ణ రాజు ఒత్తిడితో 24 చర్చిలు, 3 మసీదులు కూల్చివేసి నట్లు కమిషన్ దృష్టికి తెచ్చారు. విశాఖ లో బౌద్ధ మాన్యుమెంట్ తోట్ల కొండలో బౌద్ధారామాలు ప్రభుత్వం వ్యాపార కేంద్రంగా మార్చి వేస్తుందని పిర్యాదు చేశారు. పాస్టర్ ప్రవీణ్ కుమార్ మాట్లాడుతూ క్రైస్తవుల ఆస్తులు అన్యాక్రాంతం అవుతున్నాయని , క్రిస్టియన్, ముస్లిం మైనారిటీ కార్పొరేషన్ రుణాలు మంజూరు చేయాలని కోరారు.
వినతులపై వైస్ చైర్మన్ మునావరి బేగం స్పందిస్తూ ఏపీ నుండి ఈ సమస్యలు ఇప్పటివరకు కమిషన్ దృష్టికి రాలేదని, మీ వినతులపై సంబధిత కేంద్ర, రాష్ట్ర ప్రభుత్వ సంస్థల ను ఆదేశించి పరిష్కరిస్తామని హామీ ఇచ్చారు..
రాష్ట్ర మైనారిటీ కార్పొరేషన్ మెంబర్ బాషా, పాస్టర్ ఏం ఏ పాల్, ఇస్మాయిల్, సోమనాథ్, కర్నోలియస్ ఓంకార్, భాస్కర రావు, తదితరులు పాల్గొన్నారు..