ధనం అశాశ్వతం.. దానమే శాశ్వతం*!*అన్ని దానాల్లో అన్నదానమే మిన్న*

*ధనం అశాశ్వతం.. దానమే శాశ్వతం*!

*అన్ని దానాల్లో అన్నదానమే మిన్న*

*వైభవంగా గణనాథుని నిమజ్జనోత్సవాలు*

*పలు ప్రాంతాల్లో అన్నసమారాధనలు ప్రారంభించిన గంట్ల శ్రీనుబాబు*

సింహాచలం.. /పెందుర్తి../
విశాఖపట్నం, సెప్టెంబర్ 26:


ధనం అశాశ్వతమని.. దానం మాత్రమే సమాజంలో శాశ్వతంగా నిలిచిపోతుందని శ్రీ గణేష్ యువజన సేవా సంఘం అధ్యక్షులు, జాతీయ జర్నలిస్టుల సంఘం కార్యదర్శి, ఆంధ్రప్రదేశ్ వర్కింగ్ జర్నలిస్టుల ఫెడరేషన్ రాష్ట్ర నాయకులు, సింహాచలం దేవస్థానం ధర్మకర్తల మండలి మాజీ సభ్యులు, ప్రత్యేక ఆహ్వానితులు గంట్ల శ్రీనుబాబు అన్నారు.

సింహాచలం ఆయిల్‌మిల్ ప్రాంతంలో శ్రీ గణేష్ యువజన సేవా సంఘం ఆధ్వర్యంలో శనివారం నిర్వహించిన వినాయక నిమజ్జనోత్సవాల్లో భాగంగా వేలాది మంది భక్తులకు అన్నసమారాధన నిర్వహించారు. తొలుత గణనాథుడికి గంట్ల శ్రీనుబాబు ప్రత్యేక పూజలు నిర్వహించి, అనంతరం కమిటీ సభ్యులతో కలిసి అన్నసంతర్పణను ప్రారంభించారు. భక్తులకు వివిధ రకాల ఆహార పదార్థాలను వడ్డించారు.

నాలుగు దశాబ్దాలుగా ఘనంగా ఉత్సవాలు

వినాయక నిమజ్జనోత్సవం సందర్భంగా సాయంత్రం భక్తుల సందడి మధ్య ఉత్సవాన్ని వైభవంగా నిర్వహించారు. ఈ సందర్భంగా గంట్ల మాట్లాడుతూ.. విఘ్నాలకు అధిపతిగా ఉన్న గణనాథుడు ప్రజలందరి జీవితాల్లో సుఖసంతోషాలు, వెలుగులు నింపాలని ఆకాంక్షించారు. నాలుగు దశాబ్దాలకు పైగా ఆయిల్‌మిల్ ప్రాంతంలో వినాయక చవితి ఉత్సవాలను క్రమం తప్పకుండా నిర్వహిస్తున్నామని తెలిపారు. ప్రతి ఏడాది మాదిరిగానే ఈ ఏడాది కూడా ఉత్సవాలను ఘనంగా నిర్వహించినట్లు చెప్పారు. ఉత్సవాలకు సహకరించిన కమిటీ సభ్యులు, భక్తులు, గ్రామ ప్రజలకు ఆయన కృతజ్ఞతలు తెలిపారు.

పలు ప్రాంతాల్లో అన్నసమారాధనల్లో పాల్గొన్న గంట్ల

అడవివరం ఆరోగ్య కేంద్రం వెనుక సెడగంపేటలో శ్రీనివాస యూత్ ఫ్రెండ్స్ ఆధ్వర్యంలో నిర్వహించిన అన్నసమారాధనలోనూ గంట్ల శ్రీనుబాబు పాల్గొన్నారు. నరసింహుడి అలంకరణలో ఉన్న వినాయకుడిని దర్శించుకుని ప్రత్యేక పూజలు నిర్వహించారు. అనంతరం అన్నదాన కార్యక్రమంలో పాల్గొన్నారు.

పెందుర్తి మండలం పాపయ్యరాజుపాలెంలో నిర్వహించిన అన్నదాన కార్యక్రమంలోనూ గంట్ల పాల్గొన్నారు. బాల గణపతికి ప్రత్యేక పూజలు నిర్వహించి, భక్తులకు స్వయంగా అన్నసంతర్పణ చేశారు. వివిధ వినాయక చవితి కమిటీలకు తన పరిధి మేరకు విరాళాలు అందించినట్లు గంట్ల శ్రీనుబాబు తెలిపారు.