మహిళల్లో మూత్రనాళ ఇన్ఫెక్షన్లు నిర్లక్ష్యం చేస్తే ముప్పు.. మెడికవర్ వైద్యురాలు డాక్టర్ రమాదేవి.*

*మహిళల్లో మూత్రనాళ ఇన్ఫెక్షన్లు నిర్లక్ష్యం చేస్తే ముప్పు.. మెడికవర్ వైద్యురాలు డాక్టర్ రమాదేవి.*

మహిళల్లో పెరుగుతున్న మూత్రనాళ ఇన్ఫెక్షన్ల పట్ల నిర్లక్ష్యం వహించవద్దని మెడికవర్ ఉమెన్ అండ్ చైల్డ్ హాస్పిటల్స్ కన్సల్టెంట్ గైనకాలజిస్ట్ డాక్టర్ రమాదేవి సూచించారు. జగదాంబ వద్ద మెడికవర్ హాస్పిటల్ లో నిర్వహించిన మీడియా సమావేశంలో ఆమె మాట్లాడుతూ.. మగవారితో పోలిస్తే శారీరక నిర్మాణం దృష్ట్యా మహిళల్లో మూత్రనాళం పొడవు తక్కువగా ఉండటం వల్ల ఈ ఇన్ఫెక్షన్లు వారిలోనే అధికంగా వస్తుంటాయని ఆమె స్పష్టం చేశారు. లక్షణాలు కనిపించగానే పరీక్ష చేయించుకుని వైద్యుల సలహా మేరకు మాత్రమే చికిత్స తీసుకోవాలన్నారు. చాలామంది రెండు రోజులు మందులు వాడి లక్షణాలు తగ్గగానే కోర్సు పూర్తి చేయకుండా ఆపేస్తున్నట్లు తెలిపారు. దీనివల్ల బాక్టీరియాలో యాంటీబయాటిక్ రెసిస్టెన్స్ ఏర్పడి, భవిష్యత్తులో తీవ్ర ఇన్ఫెక్షన్ వచ్చినప్పుడు ఆ మందులు పనిచేయకుండా పోతాయని డాక్టర్ రమాదేవి హెచ్చరించారు.