51వ వార్డు అభివృద్ధికి శ్రీకారం.. 2.73 కోట్ల రూపాయల పనులను ప్రారంభించిన విష్ణుకుమార్ రాజు..*

*51వ వార్డు అభివృద్ధికి శ్రీకారం.. 2.73 కోట్ల రూపాయల పనులను ప్రారంభించిన విష్ణుకుమార్ రాజు..*

విశాఖ ఉత్తర నియోజకవర్గం 51వ వార్డులో పలు అభివృద్ధి పనులకు ఉత్తర ఎమ్మెల్యే విష్ణుకుమార్ రాజు శంకుస్థాపన చేశారు. కెటిఎమ్ షోరూమ్ ఏరియా, గాంధీనగర్, అంబేద్కర్ కాలనీ, చాకలిగడ్డ ప్రాంతాలలో మొత్తం 2 కోట్ల 73 లక్షల రూపాయల వ్యయంతో 5 రకాల అభివృద్ధి పనులను ప్రారంభించారు. అందులో ప్రధానంగా కోటి 93 లక్షల రూపాయలతో గెడ్డ ఆధునికీకరణ, స్ట్రామ్ వాటర్ డ్రైనేజీ పనులు చేపట్టనున్నారు. అలాగే రెండు ప్రాంతాల్లో పార్కుల అభివృద్ధి, పిల్లల కోసం ప్లే ఎక్విప్‌మెంట్ పనులను ప్రారంభించారు. ఈ సందర్భంగా ఎమ్మెల్యే మాట్లాడుతూ.. వార్డు పరిధిలో ఇంకా ఏవైనా సమస్యలు మిగిలి ఉంటే తమ దృష్టికి తీసుకురావాలని, వాటన్నింటినీ పూర్తి చేసి నియోజకవర్గాన్ని ఆదర్శంగా తీర్చిదిద్దుతామని తెలిపారు. ఈ కార్యక్రమంలో టీడీపీ, జనసేన, బీజేపీ నాయకులతో పాటు స్థానిక గ్రామస్థులు పాల్గొన్నారు.