వైయస్సార్‌సీపీ 36వ వార్డు కార్పొరేటర్ అభ్యర్థి సనపల రోహిణి గెలుపే లక్ష్యంగా ప్రచారం*

*
వైయస్సార్‌ కాంగ్రెస్ పార్టీ ఆధ్వర్యంలో 36వ వార్డులో ఎన్నికల ప్రచారం జోరుగా సాగింది. ఈ ప్రచారంలో మేయర్ అభ్యర్థి వరుదు కళ్యాణి, దక్షిణ నియోజకవర్గం సమన్వయకర్త మాజీ ఎమ్మెల్యే వాసుపల్లి గణేష్ కుమార్ తోపాటు పార్టీ కార్పొరేటర్ అభ్యర్థిగా బరిలో నిలిచిన సనపల రోహిణి రవీంద్ర, మాజీ కార్పొరేటర్ ముద్దు సోమనాథ్, ఇతర స్థానిక నాయకులు, కార్యకర్తలు పెద్ద ఎత్తున పాల్గొన్నారు. ఈ సందర్భంగా వారు మాట్లాడుతూ.. వార్డులో ప్రజల నుంచి జగన్‌మోహన్ రెడ్డి ప్రభుత్వ సంక్షేమ పథకాలకు విశేష స్పందన లభిస్తోందని తెలిపారు. వార్డులో డ్రైనేజీ, తాగునీరు, పారిశుద్ధ్యం, విద్యుత్ సమస్యలు ఎక్కువగా ఉన్నాయని, వైయస్సార్‌సీపీ ప్రభుత్వం అధికారంలోకి రాగానే, రోహిణి గెలిచిన వెంటనే ఈ సమస్యలన్నింటినీ పరిష్కరిస్తామని హామీ ఇచ్చారు. ప్రజలందరూ ఫ్యాన్ గుర్తుపై ఓటు వేసి, అత్యధిక మెజారిటీతో రోహిణిని కార్పొరేటర్‌గా, మేయర్ అభ్యర్థి వరుదు కళ్యాణిని గెలిపించాలని విజ్ఞప్తి చేశారు. ఈ కార్యక్రమంలో స్థానిక వైఎస్ఆర్సిపి నాయకులు, కార్యకర్తలు పెద్ద సంఖ్యలో ఉత్సాహంగా పాల్గొన్నారు.