మాధవధారలో సీతన్న గార్డెన్స్ లో కొలువు దీరనున్న 36 అడుగుల విఘ్నేశ్వరుడు

మాధవధారలో సీతన్న గార్డెన్స్ లో కొలువు దీరనున్న 36 అడుగుల విఘ్నేశ్వరుడు

ప్రిన్స్ యూత్ వినాయక మండపం వద్ద మట్టి విగ్రహాలు పంపిణీ చేసిన వెస్ట్ సబ్ డివిజన్ ఏసీపీ

యువత ఆధ్యాత్మిక కార్యక్రమాల్లో పాల్గొనడం అభినందనీయం :వెస్ట్ సబ్ డివిజన్ ఏసీపీ పేడాడ ప్రదీప్తి


మాధవధార :సెప్టెంబర్ 13



వినాయక చవితి ఉత్సవాల్లో భాగంగా 51వ వార్డు మాధవధార,సీతాన్న గార్డెన్స్ వద్ద గల కనకమహాలక్ష్మి ఆలయం వద్ద ప్రిన్స్ యూత్ కమిటీ వారి ఆధ్వర్యంలో 36 అడుగుల విఘ్నేశ్వరుడును ఈ ఏడాది ఏర్పాటు చేయనున్నారు. ఈ మేరకు ఇప్పటికే అన్ని ఏర్పాట్లను కమిటీ సభ్యులు పూర్తి చేశారు. కలకత్తా నుంచి ప్రత్యేక కళాకారులతో గత రెండు నెలలుగా మట్టితో విగ్రహాన్ని తయారు చేయించారు. ఉత్సవాల్లో భాగంగా ఆదివారం ప్రిన్స్ యూత్ కమిటీ ఆధ్వర్యంలో వినాయకుని మండపం వద్ద మట్టి విగ్రహాలు పంపిణీ చేశారు. కార్యక్రమంలో వెస్ట్ సబ్ డివిజన్ ఏసిపి పేడాడ ప్రదీప్తి,51వ వార్డు మాజీ కార్పొరేటర్ రెయ్యి వెంకటరమణ,యువ నేత నంబాళ్ల రాజేష్ పాల్గొని వారి చేతులమీదుగా ప్రజలకు విగ్రహాలను పంపిణీ చేశారు. ప్రతి ఒక్కరూ పర్యావరణానికి హాని కలిగించే ప్లాస్టర్ ఆఫ్ పారిస్ విగ్రహాలు కాకుండా మట్టితో చేసిన వినాయకులను పూజించాలని ఏసీపీ పిలుపునిచ్చారు. వినాయక చవితి నిర్వాహకులు పోలీసుల సూచనల మేరకు నిబంధనలను పాటించాలని, భక్తిశ్రద్ధలతో వినాయక చవితి ఉత్సవాలు నిర్వహించుకోవాలని సూచించారు. ప్రతి ఏడాది ప్రిన్స్ యూత్ సభ్యులు వినాయక చవితి ఉత్సవాలు చాలా ఘనంగా నిర్వహిస్తున్నారని రెయ్యి వెంకటరమణ కొనియాడారు.ప్రిన్స్ యూత్ కమిటీ 36 అడుగుల విగ్రహాన్ని ఏర్పాటు చేయడం చాలా అభినందనీయమని, యువత ఆధ్యాత్మిక కార్యక్రమాల్లో చురుకుగా పాల్గొంటూ ఇటువంటి సేవా కార్యక్రమాలు నిర్వహించాలని సూచించారు. కమిటీ సభ్యులు సనపల భార్గవ్ మాట్లాడుతూ ఏడాది ఉత్సవాలు అత్యంత ఘనంగా నిర్వహించడం జరుగుతుందని, వినాయక విగ్రహం ఏర్పాటు చేసిన చోటే నిమజ్జన కార్యక్రమం కూడా చేయనున్నట్లు పేర్కొన్నారు. భక్తులకు ఎటువంటి ఇబ్బందులు లేకుండా అన్ని రకాల ఏర్పాట్లు పూర్తి చేశామని, 20 రోజులు పాటు స్వామివారికి ప్రత్యేక పూజా కార్యక్రమాలు నిర్వహించనున్నట్లు పేర్కొన్నారు.కార్యక్రమంలో కమిటీ సభ్యులు నంబాళ్ల రాజేష్,సనపల భరత్,గిరీష్ తదితరులు ఉన్నారు.