ప్రజలు త్రాగునీటి కోసం అవస్థలు పడుతుంటే అధికార యంత్రాంగం కనీసం పట్టించుకోవడంలేదు

ప్రజలు త్రాగునీటి కోసం అవస్థలు పడుతుంటే అధికార యంత్రాంగం కనీసం పట్టించుకోవడంలేదని వైసీపీ జిల్లా అధ్యక్షుడు కేకే రాజు మండిపడ్డారు. జీవీఎంసీ 26వ వార్డు వైసిపి అధ్యక్షుడు బొడ్డేటి కిరణ్ ఆధ్వర్యంలో అక్కయ్యపాలెం చిన్నూరు లో టాంకర్ ద్వారా మంచినీటిని సరఫరా చేశారు.ఈ సందర్భంగా కేకే రాజు వార్డులో ప్రజలు త్రాగునీటి కోసం ఎదుర్కొంటున్న సమస్యలను తెలుసుకున్నారు.కూటమి ప్రభుత్వ పనితీరుతో ప్రజలకు అవస్థలు తప్పడం లేదని కేకే రాజు విమర్శించారు.. తాగునీటి సమస్యను పరిష్కరించకపోతే జీవీఎంసీ ప్రధాన కార్యాలయాన్ని ముట్టడిస్తామని హెచ్చరించారు. తాగేందుకు నీరు లేక తీవ్ర ఇబ్బందులు పడుతున్నామని స్థానికులు కేకే రాజు దృష్టికి తీసుకెళ్లారు. స్థానిక వైసీపీ అధ్యక్షులు బొడ్డేటి కిరణ్ ఆధ్వర్యంలో ట్యాంకర్లు తెప్పించి దాహార్తిని తీరుస్తున్నారని అన్నారు. కార్యక్రమంలో అమ్మాజీ, నవాబ్,జక్కంపూడి సత్యనారాయణ భోగవిల్లి గోవింద్ తదితరులు పాల్గొన్నారు.