ఘనంగా మాజీ కార్పొరేటర్ కోడిగుడ్ల పూర్ణిమ జన్మదిన వేడుకలు*

*ఘనంగా మాజీ కార్పొరేటర్ కోడిగుడ్ల పూర్ణిమ జన్మదిన వేడుకలు*

దక్షిణ నియోజకవర్గం 41వ వార్డు మాజీ కార్పొరేటర్ కోడిగుడ్ల పూర్ణిమ జన్మదిన వేడుకలు స్థానికులు, కార్యకర్తల సమక్షంలో ఘనంగా జరిగాయి. ఈ సందర్భంగా వైఎస్సార్‌సీపీ క్లస్టర్ ఇన్‌ఛార్జ్ కోడిగుడ్ల శ్రీధర్‌తో కలిసి ఆమె వార్డు కార్యాలయం వద్ద ఉచిత వైద్య శిబిరం నిర్వహించి, పేదలకు మందులు, కళ్లజోళ్లు పంపిణీ చేశారు. అనంతరం గణేష్ ఉత్సవాల్లో అన్నదానం కోసం వార్డులోని వివిధ మండపాలకు ఒక్కొక్క దానికి రూ.20 వేల చొప్పున లక్షల్లో విరాళాలు అందజేశారు. సేవ చేయడానికి పదవులు అక్కర్లేదు.. మంచి మనసుంటే చాలు అని ఈ సందర్భంగా దంపతులు పేర్కొన్నారు. కులమతాలకు అతీతంగా ప్రజలకు అండగా నిలుస్తున్న పూర్ణిమను స్థానికులు అన్నదాత గా కొనియాడారు. కేక్ కటింగ్ అనంతరం అభిమానుల సత్కారాలు, సాంస్కృతిక కార్యక్రమాలతో వేడుకలు ముగిశాయి.