ఎంఈఎస్ కాంట్రాక్టర్ల సమస్యలు పరిష్కరించాలి నేవీ చీఫ్ ఇంజనీర్ కు వినతి*

*ఎంఈఎస్ కాంట్రాక్టర్ల సమస్యలు పరిష్కరించాలి నేవీ చీఫ్ ఇంజనీర్ కు వినతి*

విశాఖ జిల్లా మిలటరీ ఇంజనీరింగ్ సర్వీస్ (ఎంఈఎస్) కాంట్రాక్టర్ల సమస్యలు పరిష్కరించాలని కోరుతూ ఎంఈఎస్ విశాఖ చీఫ్ ఇంజనీర్ పంకజ్ త్యాగీ కి వినపత్రము అందజేశారు. దేశవ్యాప్తంగా ఉన్న ఎంఈఎస్ బిల్డర్స్ సంబంధిత చీఫ్ ఇంజనీర్లకు వినతి పత్రాలు అందజేశామని ఎంఈఎస్ బిల్డర్స్ అసోసియేషన్ ఆఫ్ ఇండియా కౌన్సిల్ మెంబర్ సి.బాల సతీష్, విశాఖ బ్రాంచ్ చైర్మన్ గుజ్జు వెంకటరెడ్డి తెలిపారు. ఈ సందర్భంగా వారు మాట్లాడుతూ.. కాంట్రాక్టర్ల సంఘం ఎదుర్కొంటున్న తీవ్రమైన సవాళ్లు, ఇబ్బందులు, సమస్యలను తెలియజేసేందుకు వినతిపత్రాన్ని అందజేశామన్నారు. ఈ క్లాస్ కాంట్రాక్టర్స్ టెండర్ లిమిట్స్ ను 50 లక్షలకు పెంచాలని కోరారు. యుద్ధం నేపథ్యంలో ధరలు బాగా పెరిగాయని దీని కనుగుణంగా కాంట్రాక్టర్లు పనులు నిర్వహించేందుకు వీలుగా ధరలను పెంచాలని అన్నారు. ఎంఈఎస్ సమస్యలను సమర్థవంతంగా పరిష్కరించకపోతే, కాంట్రాక్టర్లు తీవ్ర ఇబ్బందులు ఎదుర్కోవాల్సి ఉంటుందని ఆందోళన వ్యక్తం చేశారు. మనుగడకే తీవ్రమైన కాంట్రాక్టర్ వర్గం ఎదుర్కొంటున్న ప్రధాన సమస్యలు, పరిశీలన మరియు అవసరమైన చర్యల కోసం చీఫ్ ఇంజనీర్ కు వివరించామన్నారు. చాలా కాలంగా పెండింగ్‌లో సవరణ ఉన్నప్పటికీ, ఎన్‌లిస్టెడ్ కాంట్రాక్టర్ల అన్ని తరగతుల ఆర్థిక పరిమితులను 2010 తర్వాత పెంచకపోవడం వల్ల ఆర్థిక ఇబ్బందులు పడుతున్నామని ఆవేదన వ్యక్తం చేశారు. ఈ కార్యక్రమంలో అసోసియేషన్ కార్యదర్శి బివిఎస్ సుబ్బరాజు, కోశాధికారి డిఈవి రామప్రసాద్ రెడ్డి, సభ్యులు సిహెచ్ సుదర్శన్, బి.యన్ రాజారెడ్డి పాల్గొన్నారు.