సీతంపేట శ్రీ షిర్డీ సాయిబాబా ఆలయంలో గురు పౌర్ణమి సందర్భంగా ప్రత్యేక పూజా కార్యక్రమాలు

సీతంపేట శ్రీ షిర్డీ సాయిబాబా ఆలయంలో గురు పౌర్ణమి సందర్భంగా ప్రత్యేక పూజా కార్యక్రమాలు అత్యంత వైభవంగా నిర్వహించారు. ఉదయం 5 గంటల నుంచే ఆలయంలో ఆధ్యాత్మిక వాతావరణం నెలకొంది. స్వామివారికి పంచామృతాభిషేకం, పాలాభిషేకం, అన్నాభిషేకాలను ఆలయ అర్చకులు శాస్త్రోక్తంగా జరిపారు. ఈ సందర్భంగా ఆలయ కమిటీ సభ్యులు శంకర్రావు, పాపారావులు మాట్లాడుతూ.. ఈ శోభాయాత్రలో భక్తులందరూ విశేషంగా పాల్గొని స్వామివారి దివ్య మంగళ రూపాన్ని దర్శించుకుని తీర్థప్రసాదాలు స్వీకరించారన్నారు. భక్తులకు ఎలాంటి అసౌకర్యం కలగకుండా ఆలయ కమిటీ ప్రతినిధులు ప్రత్యేక ఏర్పాట్లు చేశామన్నారు. సాయిబాబా కృపాకటాక్షాలు అందరిపై ఉండాలని ఆకాంక్షించారు. ఈ కార్యక్రమంలో ఆలయ కమిటీ సభ్యులు, గ్రామ పెద్దలు, సాయి భక్తులు పెద్ద సంఖ్యలో పాల్గొన్నారు.