విశాఖ,104 ఏరియాలో మర్రిపాలెంలో ఘనంగా గణపతి నవరాత్రులు భారీ అన్నసమారాధన.

*విశాఖ,104 ఏరియాలో మర్రిపాలెంలో ఘనంగా గణపతి నవరాత్రులు భారీ అన్నసమారాధన.

104 ఏరియాలో వేమన యూత్ అసోసియేషన్ ఆధ్వర్యంలో శ్రీ వరసిద్ధి వినాయక పూజా మహోత్సవాలు అత్యంత వైభవంగా కొనసాగుతున్నాయి. ఈ సందర్భంగా భక్తులకు భారీ అన్నసమారాధన కార్యక్రమం ఏర్పాటు చేశారు. ఈ కార్యక్రమంలో వైఎస్ఆర్సిపి వార్డు అధ్యక్షులు గుజ్జు వెంకటరెడ్డి మాట్లాడుతూ.. గత 26 సంవత్సరాలుగా ఇక్కడ గణపతి ఉత్సవాలు నిరంతరాయంగా నిర్వహిస్తున్నామని తెలిపారు. గత ఏడాది 9 రోజుల పాటు పూజలు నిర్వహించగా, ఈ సంవత్సరం 13 రోజుల పాటు వేడుకలను అత్యంత భక్తిశ్రద్ధలతో జరుపుతున్నట్లు పేర్కొన్నారు. ప్రతి ఏటా 11 నుండి 12 అడుగుల ఎత్తైన విగ్రహాన్ని ప్రతిష్ఠిస్తున్నామని వెల్లడించారు. ఈ ఉత్సవాల విజయవంతానికి వేమన యూత్ అసోసియేషన్ సభ్యులైన ధీరజ్ రెడ్డి, శ్రీనివాసరెడ్డి, నాగరాజు రెడ్డిలతో పాటు ఇతర యువకులంతా మొదటి రోజు నుంచి విగ్రహ నిమజ్జనం వరకు ఎంతో కష్టపడి సేవలందిస్తున్నారని ప్రశంసించారు. రాబోయే రోజుల్లో కూడా యువత ఇలాంటి ఆధ్యాత్మిక, సేవా కార్యక్రమాలను మరింత ముందుకు తీసుకెళ్లాలని వారు ఆకాంక్షించారు. ఈ అన్నదాన కార్యక్రమంలో స్థానిక భక్తులు, ప్రజలు పెద్ద సంఖ్యలో పాల్గొని తీర్థప్రసాదాలు స్వీకరించారు.