ఘనంగా వినాయక చవితి అన్నదాన కార్యక్రమం.. పాల్గొన్న టీడీపీ మహిళా నాయకురాలు కొల్లాబత్తుల ప్రసున్న..*

*ఘనంగా వినాయక చవితి అన్నదాన కార్యక్రమం.. పాల్గొన్న టీడీపీ మహిళా నాయకురాలు కొల్లాబత్తుల ప్రసున్న..*

వినాయక చవితి నవరాత్రి ఉత్సవాలను పురస్కరించుకుని రాంజీ ఎస్టేట్ లో ‘30+ యూత్ అసోసియేషన్’ ఆధ్వర్యంలో ఏర్పాటు చేసిన వినాయక మండపం వద్ద భారీ అన్నదాన కార్యక్రమాన్ని ఘనంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన స్థానిక టీడీపీ నాయకురాలు కొల్లాబత్తుల ప్రసున్న గణనాథునికి ప్రత్యేక పూజలు నిర్వహించి, అనంతరం భక్తులకు స్వయంగా అన్నదానం వడ్డించారు. అనంతరం ఆమె మీడియాతో మాట్లాడుతూ.. దైవసేవతో పాటు తోటివారికి అన్నదానం చేయడం ఎంతో పుణ్యకార్యమని కొనియాడారు. తన తండ్రితో ఈ ప్రాంత ప్రజలకు, యూత్ అసోసియేషన్ సభ్యులకు ఎంతో కాలంగా ఉన్న అనుబంధాన్ని గుర్తుచేసుకుంటూ, అదే అభిమానంతో తనను ఈ సత్కార్యానికి ఆహ్వానించినందుకు కమిటీ సభ్యులకు, స్థానిక నాయకులకు ప్రత్యేక ధన్యవాదాలు తెలియజేశారు. కూటమి ప్రభుత్వంలో అందరూ కలిసికట్టుగా ప్రజాసేవలో ముందుంటామని ఆమె పేర్కొన్నారు. ఈ కార్యక్రమంలో నిర్వాహక కమిటీ సభ్యులు, స్థానిక ప్రముఖులు, భారీ సంఖ్యలో భక్తులు పాల్గొన్నారు.